၁၉၈၄ ခုနှစ်၊ ဇန်နဝါရီလ ၁၂ ရက်၊ စနေနေ့ နံနက် ၇ နာရီ၌ ဖခမည်းတော် ဦးထွန်းဝင်း နှင့် မယ်တော် ဒေါ်လှကျင်တို့မှ ကိုးအိမ် တမ်းအုပ်စု၊ ကျုံပိုင်းကျေးရွာ၊ ဖျာပုံမြို့နယ်၊ ဧရာဝတီတိုင်းတွင် မွေးဖွားခဲ့သည်။

​

ငယ်နာမည်မှာ မောင်ထွန်းထွန်းအေး ဖြစ်ပြီး ၁၉၉၂ ခုနှစ်၌ သဲအိမ်ကျောင်းစု တေဇိန္တရာမ ကျောင်းတိုက် ဆရာတော် ဦးဝဏ္ဏိဿရထံ တွင် ရှင်သာမဏေအဖြစ်သို့ ရောက်ရှိသည်။ ခရမ်းမြို့၊ ကိုင်းကုန်း ပါဠိတက္ကသိုလ် ကျောင်းတိုက်ဆရာတော် ဦးကေသရ ထံပါး တွင် အခြေခံမှစ၍ သင်ကြား တတ်မြောက် အောင်မြင်ခဲ့သည်။

​

၂၀၀၄ ခုနှစ်၊ သက်တော်(၂၀) တွင် ဧရာဝတီ တိုင်း၊ ဖျာပုံမြို့နယ်၊ နောင်တော်ကြီး ကျေး ရွာရှိ ကိုးအိမ်တန်းကျောင်း၌ ရဟန်း အဖြစ် သို့ ရောက်ရှိခဲ့ပြီး မွန်ပြည်နယ်၊ တိုက်ဂါး နယ်လုံးဆိုင်ရာ ဝိနယဓိက စားမေးပွဲတွင် ဒုတိယအဆင့် ဖြင့် အောင်မြင်ခဲ့သည်။

​

၂၀၀၅-၂၀၀၆ ခုနှစ်အတွင်း ရန်ကုန်မြို့၊ ကမ္ဘာအေးရှိ တောင်တန်း သာသ နာပြု
သင်တန်းကျောင်းသို့ တက်ရောက်ခဲ့ပြီး ချင်းပြည်နယ်၊ ဖလန်း နှင့် နာဂတောင်တန်း
များသို့ သွားရောက်၍ သာသနာပြုလုပ်ငန်း
များ ဆောင်ရွက်ခဲ့သည်။

​

၂၀၀၇ ခုနှစ် “ရွှေဝါရောင်တော်လှန်ရေး” ကြီးတွင် ဦးဆောင်သံဃာတစ်ပါး အဖြစ် ပါဝင်လှုပ်ရှားခဲ့သည်။ ၂၀၀၇ ခုနှစ်၊ အောက်တိုဘာ ၂၅ ရက်ထုတ် ကြေးမုံ
သတင်းစာတွင် နအဖစစ်အစိုးရမှ အရှင်
ထာဝရအား အချိန်မရွေး ဖမ်းပေးနိုင်သည့် မည်သူမဆို ဆုချီးမြှင့်မည့်အကြောင်း ထုတ်ပြန်ခြင်းခံခဲ့ရသည့်အတွက် ရန်ကုန်မှ ဧရာဝတီ၊ ဟင်္သာတ၊ ပဲခူး၊ ပြည် နှင့် ရခိုင်
ရိုးမ၊ တောင်ကုတ်တို့၌ တိမ်းရှောင်ခဲ့ပြီး ၂၀၀၈ ခုနှစ်တွင် ဘင်္ဂလားဒေ့ရှ်နိုင်ငံသို့ ရောက်ရှိကာ လွတ်မြောက်ခဲ့သည်။ ၂၀၁၅ ခုနှစ်၊ မေလတွင် ထုတ်ဝေခဲ့သည် “ထာဝ
ရရွှေဝါရောင်” အရှင်ထာဝရ (ကိုယ်တွေ့
မှတ်တမ်း) စာအုပ်မှာ ပထမဦးဆုံးလုံးချင်း ဖြစ်သည်။

​

၂၀၁၅ ခုနှစ်တွင် ထွက်ရှိခဲ့သော “ဝိဘဇ္ဇ ပဲ့တင်သံ”၊ “ ရွှေဝါရောင်လှိုင်း” စာအုပ် များတွင် မဘသ အဖွဲ့ နှင့် ဦးဝီရသူ ကို ပြင်းထန်စွာ ဝေဖန်သောဆောင်းပါးများ ရေးသားခဲ့သည်။ ၂၀၁၈ ခုနှစ် မေလတွင် နော်ဝေနိုင်ငံရောက် အညတရ ရဟန်း
တစ်ပါး (အတွေးအမြင်နှင့် အတွေ့အကြုံ) စာအုပ်ကို ရေးသားထုတ်ဝေခဲ့သည်။

​

၂၀၁၈ ခုနှစ်၌ ကိုးရီယားနိုင်ငံ ၊ ဆိုးလ်မြို့
အခြေစိုက် HWPL (Heavenly Culture, World Peace, Restoration of Light) အဖွဲ့ကြီး ၏ လူထုဆက်ဆံရေး သံအမတ် ( Certificate of Appointment as Publicity Ambassador of HWPL in Seoul,Korea ) အဖြစ် အရှင်ထာဝရ
(နော်ဝေ)အား ခန့်အပ်ခြင်း အသိအမှတ်ပြု ခဲ့သည့်အပြင် စက်တင်ဘာ ၁၆ ရက်နေ့
တွင်လည်း အဆိုပါအဖွဲ့ကြီးမှ ငြိမ်းချမ်းရေး
ဆု (Achievement Awards) ပေးအပ်ချီးမြှင့်ခြင်းကို ခံခဲ့ရသည်။

​

ယခုအခါ နော်ဝေ နိုင်ငံတွင် ခေတ္တသီတင်း
သုံးလျက်ရှိပြီး ပြည်တွင်းပြည်ပ သာသနာြ
ပုလုပ်ငန်းများနှင့် ပရဟိတ လုပ်ငန်းများကို အဓိကထားဆောင်ရွက်ရင်း မြန်မာ့ဒီမိုကေ
ရစီအရေးအတွက် အဘက်ဘက်မှ တက်ကြွစွာ လှုပ်ရှားလျက်ရှိသည်။

..